任達華入行十幾年，對 娛樂圈的一切規矩，都有深刻的體會，他自問絕對是一 個懂得遵守遊戲規則的人，因為他明白，一旦選擇了在 娛樂圈發展，就應認要適應當中的一切，否則你大可以 離開，但絕對不能要求全世界遷就你。所以，他會認為 謝霆鋒罵無綫的事件，是不當的行為。始終，薑是老的 辣！

任達華拍攝電影超過一百三十多套，可以算是多產。不過近年因香港電影質素問題，導致他今年開始減產，甚至近乎停產，再度接拍電影，也只因為還人情及片債給朋友們。 對於減產，任達華沒半點「搵夠上岸」之意，只希望港產片之質素提高，而且可以挑選一些自己想做的工作。

對 香 港 電 影 失 望
「唔知真係覺得太攰，定係而家香港嘅電影質素愈來愈差，所以我由今年年中，已經開始停 咗喺度唔想拍，我推咗超過十五部電影，因為發覺佢啲質素太差，所以唔想拍，幾失望。有啲導演就係以前識落，當賣個人情，幫佢拍一部，同佢 哋講咁拍電影係有問題啲，但佢啲都係咁做，所以我諗而家香港有百分之八十嘅電影都係冇進步，我會揀好嘅劇本先拍，唔好嘅就唔接。」

每個演員也會有高峰及低潮，任達華絕對算是好運的一個，因為他的事業一直平平穩穩，從未試過陷於低潮，甚至乎還稱得上處於上線。「 嗰時(90年代頭)電影市道好，差唔多一年拍成十五部電影，冇辨法，嗰時窮，所以接咗好多電影，咁一個人窮係需要錢，嗰時啱啱喺TVB出 嚟，好窮㗎，好需要錢去維持我嘅生活，賺咗啲錢之後，就買咗啲屋，生活開始比較好啲、穩定啲，就可以拍吓廣告，同埋做啲自己想做 嘅嘢。」

控 制 工 作 質 素
很多藝人在未紅時，如果希望控制質素，結果只會令人感覺未紅先驕，到任達華這個階段，就算有能力選擇工作，但很多東西仍非演員的控製之內，所以也會有「千揀萬揀，揀著爛燈盞」的情況。

「就算我幾嚴謹揀劇本都好，結果都係咁，初時睇以為個劇本有得去喎，但係去到個導演度，又唔係咁睇，所以有時係 啲導演質素有問題，要搵一個好導演唔易，有時揀到要拍嘅電影，未必一定係話要攞獎嘅電影，想拍啲有主題有嘢講嘅電影，無論 喺動 作戲定愛情戲，都要有嘢講。」

「我唔會放棄拍動作片，因為全世界嚟講動作片都係最賣座。我去到新疆、維吾爾族嘅地方，佢 哋見到我鬼死咁開心，仲攞我啲動作戲出嚟俾我睇，要我幫佢哋簽名，佢哋唔會睇其他戲，只會睇動 作戲，咁已經係一個好好嘅證明。」

做演員當然希望演技獲得認同，在電影頒獎禮中獲獎就是對演技的一個肯定，不過，每年落選的演員總是比獲獎的演員多，所以很多有實力的演員，至今還未曾獲得過任何獎項，任達華亦是其中之一。